Assalamualaikum sobat :). bisa berbagi cerita lagi nih saya hehe. kali ini saya mao kilas balik tentang masa TPA, masanya belajar agama dan mengenal Allah SWT waktu kecil. seharusnye sih cara nyang begini kudu di terapin terus ama orangtua nyang punya anak kecil. supaya anaknye terbiasa taat pade agamanye dari usia dini. pan keren tuh pas ude gedenye die ude kaga diraguin lagi tentang agamanye hehe. kalo masa TPA nyang saya lewatin dulu itu, ga kalah berkesannya loh, banyak banget cerita seru kalo lagi ngaji, contohnye pas dateng buru-buru ambil aer wudhu biar bisa shalat ashar berjamaah dapet barisan paling depan pojok kanan deket kipas angin :), terus rebutan baca Al-Qur'an supaya cepet khatam :), dan semangat banget kalo ade lomba adu prestasi ngaji lawan TPA daerah laen :D. tapi kebiasaan jeleknye suka kaga mao ngaji kalo kaga dikasih duit jajan ame emak :). ga kalah enak loh jajanan nyang mangkal di depan TPA sama SD. jajanan TPA nyang lumayan terkenal itu "ager merah", kite bayar gope bisa dapet ager nyang dibentuk sesuai permintaan, cukup kreatif loh abangnye, bentuk favorit saya itu masjid :), terus ade lagi jajanan nyang namanye "kue leker", enak nih kue rasanye, tapi cukup mahal untuk tarif jajanan anak bocah, bayar serebu cuman kulit kue pake cokelat doangan, kalo 1.500,- ditambahin dalemnye make pisang, tapi kalo 2.000,- ude dapet nyang paling enak, lengkap dengan taburan keju hahaha :D (jadi pengen). tapi sayang waktu kaga bise diulang, jadi cuma bise nikmatin cerite nyang terukir diwaktu nyang lalu, dan percayalah cerita masa kecil itu adalah kejadian penting nyang terukir secara kaga sengaja nyang kaga bise dibayar dengan apapun :D. eemm nyampe dimari dulu ye ceritanye, laen ari disambung lagi, insyaallah ade umur, Wassalamualaikum :)
Tidak ada komentar:
Posting Komentar